Qendra Kombëtare e Kulturës për Fëmijë dhe Teatri i Kukullave, kërkon të punësojë punonjës me kontratë të përkohshme, për vitin 2026, bazuar në VKM Nr. 10, dt. 15.01.2026, “Për përcaktimin e numrit të punonjësve me kontratë të përkohshme, për vitin 2026, në njësitë e qeverisjes qendrore”, në pozicionet si më poshtë:
1- Elektriçist – 6 orë në ditë – vjetore
– Elektiçisti duhet të sigurohet që çdo instalim elektrik të përmbushë standardet e sigurisë për të parandaluar çdo problem të mundshëm të sigurisë të tilla si, zjarret nga sistemi elektrik ose keqfunsionimin e pajisjeve të cilat mund të rrezikojnë si stafin ashtu edhe spektatorët.
– Ndihmon punonjësin Fonist/Ndriçues në kryerjen e detyrave të tij në rastet e fluksit të punës në aktivitetet artistike dhe në Turin Veror.
2- Nëpunës informacioni – 6 orë në ditë – vjetore
– Kryerjen e detyrës së nënpunësit të informacionit, dhënien e informacionit dhe orientimin e vizitorëve të ndryshëm. Oriention publikun rreth shfaqjeve dhe aktiviteteve kulturore për fëmijë duke dhënë një informacion të shkurtër shpjegues në lidhje me pyetjet që ata mund të kenë;
– Regjistrimin e informacionit për numrin e spektatorve
– Kontrollimin dhe ndërhyrjen, po të jetë nevoja, kur konstaton çrregullime ose zhurmë në sallë gjatë zhvillimit të aktiviteteve, duke garantuar miradministrimin dhe mbrojtjen e çdo materiali.
– Mban nën vëzhgim vizitorët për të shmangur dëme, si të qëllimshme ashtu dhe aksidentale, për objektet e ekspozuara në institucion.
– Kryen edhe punë të tjera të caktuara nga Përgjegjësi i Sektorit, sidomos gjatë shfaqjeve dhe aktiviteteve të ndryshme kulturore.
– QKKF qëndron e hapur gjatë festave zyrtare, kështu që ky pozicion ka punë edhe gjatë ditëve të pushimit zyrtar në varësi të shfaqjeve dhe aktviteteve artistike.
3- Punonjës Skene – 6 orë në ditë – vjetore
– Bashkëpunon dhe bashkërendon punën me pergjegjësin e trupës artistike, për të gjitha problemet e ndryshme për vendosjen e dekoreve, si dhe të planifikimit të kalendarit artistik të shfaqjeve dhe aktiviteteve të ndryshme, si dhe të mbështesë punën për realizimin e çdo programi artistik të Teatrit të Kukullave.
– Duhet të njohë të gjithë manovrimin teknik të dekoreve dhe efekteve skenike. Duhet të njohë lëvizjen e dekoreve dhe rekuizitës gjatë skenave të ndryshme.
– Të njohë projektin dhe elementet e tij, ku përfshihen; dekoret, rekuizita skenike, rekuizita e aktorit dhe elementë të tjerë të skenës.
– Vendos çdo fundjave dekoret apo dhe gjatë javës ndërron dekoret e ndryshme.
– Të sigurojë se standartet teknike të dekoreve dhe rekuizitës të ruhen në vazhdimësi gjatë shfrytëzimit të tij në repertor.
4- Punonjës (Arkivi) – 6 orë në ditë – vjetore
– Realizon përpunimin tekniko‑shkencor të dokumenteve duke kryer klasifikimin, inventarizimin, përshkrimin arkivor, hartimin dhe përditësimin e evidencave arkivore.
– Organizon procesin e inventarizimit të dokumentacionit që nga krijimi i institucionit dhe përgatit dokumentacionin për dorëzim pranë Arkivit Shtetëror përkatës, sipas afateve dhe procedurave ligjore.
– Siguron sistemimin dhe shfrytëzimin e dokumentacionit sipas kërkesave të Drejtorisë së Përgjithshme të Arkivave.
– Hap dhe administron dosjet sipas pasqyrës emërtuese të miratuar, duke siguruar ndarjen, klasifikimin dhe sistemimin korrekt të dokumentacionit.
– Kujdeset për krijimin dhe monitorimin e kushteve teknike dhe teknologjike për ruajtjen fizike dhe sigurinë e dokumenteve në arkiv, në përputhje me standardet ligjore.
-Harton raporte periodike mbi gjendjen e fondit arkivor dhe propozon masa për përmirësimin e administrimit arkivor.
-Bashkëpunon me organet e inspektimit dhe strukturat përkatëse për përmbushjen e detyrimeve ligjore në fushën e arkivave.
Kriteret për kualifikim
– Minimumi 2 vite përvojë pune në pozicionet e kërkuara ose në fusha të ngjashme;
– Njohuri të mira në përdorimin e programeve kompjuterike të paketës Microsoft Office dhe aftësi për përpunim dokumentacioni administrativ në format elektronik (për arkivistin).
– Aftësi të mira organizative, korrektësi profesionale dhe përgjegjësi në punën që do të kryhet.
Dokumentacioni që duhet të dërgohet
Të gjithë të interesuarit duhet të dërgojnë CV-në e plotë, kartën e identitetit dhe çdo çertifikatë apo kualifikim që kanë në lidhje me pozicionet e kërkuara.
Afati i dorëzimit të CV-së: 07 Prill 2026
Mail: [email protected]